澳門回來~股市變天~.

<投資篇-每天分析>


去澳門行開兩日, 回來股市變了天. 好似去左好耐番來睇市咁. 澳門呢幾年變化幾大, 但由於澳門距離香港真係太近了, 坐船都係一個鐘, 15分鐘一班船, 感覺同去香港遠些的地方冇咩分別. 哈.


回說股市了, 大家都應該好擔心, 我走左2日, 股市跌穿了24200點水平, 直插至23600點, 技術上變得超賣了, 昨恒指守23600點, 穿了上次上升起點(23800點附近). 國內跌市是元兇, 上海股市大幅收低.


今早, 杜指下跌百多點, 指數守11000點水平邊緣, 國內指數續向下. 杜指10800點不容有失, 否則上升動力便會失去. 市場憂慮的歐洲債券危機, 看來只是舊事重提, 我不認為到了今天, 這個消息可以引發股災, 但全球股市早前升溫, 如今, 只是借消息出貨而已.


國內股市下挫, 且跌勢又急又勁, 上海回看2800點, 考慮到國內調控措施加緊, 上指目標看2700點.  香港股市已跌穿上升起點, 走勢看淡. 下一級恒指看23400點水平. 如失守, 有可能回見22800點.


但大家不要過份憂慮, 現階段只是回吐期, 恒指早前上升過急, 回吐幅度亦會加快和加大, 有證券行預計回吐10%, 即2500點左右, 如今調整了一半左右, 一個回吐市10%又唔算多. 但要去到氣氛轉壞的情況才出現. 以短線回吐7%左右正常計算, 股市底部正正是22800~23000點左右見底. (短)


十一月, 筆者續看好.


組合中大部分向下, 暫回吐市沒有什麼, 待反彈來臨. 走左去澳門, 原來隻第一(0082)一度突破.~ 可惜.

<以上是筆者之見, 沒有任何推介或建議成分>