<高sir講股篇: 2014-01-25 - 迎馬年前的黑暗>

Topic: 迎馬年前的黑暗

筆者本月下旬較忙碌, 故網誌又進入了短暫休眠狀態.

終於去到月尾, 農曆新年逼近, 講到農曆年, 對於已婚人仕來講, 原來係一個唔會太期待的節日類目, 即係話, 聖誕節你會諗到係屋企攪下party, 或叫呢friend上來打個邊爐之類, 夠哂開心盡興, 但農曆年你只會聯想到要去唔同地方拜年, 結婚後的新年, 仲要諗埋派錢扮財神, 有人會諗去邊到避年, 同樣有人會諗邊個FRD封幾多錢, 邊個FRD頂籠$20呢類攻心計, 都咪話唔身心受創.

筆者在這段繁忙時間, 不忘觀察近日樓市走勢的變化, 今天, 香港的房產市場的確進入下跌通道了, 如果要套用股市的理論學說, 或許香港樓市已由牛三進入熊一, 熊二段落罷! 唔明咩叫牛三, 熊一二段的話, 一句到尾, 就係開始跌緊! 有人說, 樓市升咁多, 跌番D好正常, 而且次次講加息, 但低息環境一樣持續好幾年之類.

2014年香港房地產市場, 或許有著重大變化, 今天中原指數由高位的下挫, 正好是給投資者一個警覺, 泡沫的房產今年會爆破, 或許因為加息週期的開始, 或許是政府辣招下令本來已失衡的市場更加難以預測所造成, 有人說, 供求關係才是香港房產的主要升跌命脈所在, 今天市民仍有一定需求量, 樓價何來大挫? 才不要忘記, 今天樓市的價值已經遠超正常打工仔收入所能負擔, 縱使有需求, 但荷包欠銀彈, 只能望梅輕嘆, 講現實一點, 結婚置業是必然的, 每年都有人結婚, 需求看來是必定的, 但今天計算結婚的支出, 左加右加下, 不少人寧願延遲或同居, 有人寧願多做1-2年毒男生活, 也是理所當然的事. 在發展商近日意識到香港房產泡沫的爆破味道後, 從而積極推出新盤, 還送大禮包印花稅, 加長免供期之類的招數, 供過於求的現象相信在本年中便會出現, 房產泡沫一旦爆破, 香港經濟便會骨牌式下滑, 股市也會有一定影響.

一月份, 股票市場進入下跌軌, 這是出乎筆者估計的, 近年, 投資市場的變化速度驚人, 傳統的投資工具已經落伍了, 對大市分析或要加倍著緊才可跟貼市況. 一月份沒有出現新年效應向上, 反之, 恒生指數正下試21800~22200點支持位, 週五, 恒指急挫283點, 見22450點, 特別注意一點, 上證指數走勢雖弱, 但上證綜合指數在跌至2000點關口, 有無形之手出招反彈, 人行回購動作正好說明, 國內領導層不願股市的波動影響經濟, 事實上, 近年上證股市長年於1800-2000點便告反底, 相信, 國內股市縱使不會大升, 但下挫空間已不大.

歐美股市因為南美市場貨幣洗倉, 急轉直下, 並一口氣跌穿16000點關口, 筆者對此反而甚有感慨, 並假如杜指一直徘徊於16400點之上, 對亞洲區股市風險影響極深. 杜指早日下挫是好事, 並合理點該回吐於13800~14500點附近才為洽當, 問題是, 亞洲區股市能否穩住成疑問, 恒生指數下一關口於21600~21800點區間, 不容有失, 否則將進一步試20800點水平, 但眼見美股下挫超300點, 還可以樂觀嗎?

        股市有時你真係估佢唔到, 跌就一定跌, 睇adr你便可預計開波一分鐘後的恒指有幾恐怖, 但市場會否因為過度超賣而反彈? 且最重要是下週聯儲局會否因為新興市場貨幣被拋, 而暫且不提退市計劃等, 都會影響大市格局, 唯一利好是, 在上一年金價因為股市平穩而開始回落的跌勢, 或有機來一個急彈, 黃金從來都是避險的好工具.

組合中, 周大福(01929)作零售股, 在新春前沒有炒起, 股價一直於買入價以下5%上落, 後市且看黃金價格如反彈, 股價有一定支持向上, 且看. 目標價暫仍不變.

御泰(0555)小注一試, 彩票業三寶中, 這股暫預計PE只有13倍左右, 對於近日此類炒作股而言, 價位暫仍可一試反彈, 當然啦, 沒有可能把重注押上已炒上一倍股價的股票上, 故宜控制注碼為上. 上週, 近日上升甚多的網遊彩票股板塊急挫, 後市有機波動增大, 故有賺便要沽出為上策.

牧業(1117)是筆者見高位回吐已一段距離, 這股明顯已不是短線類別, 中長線看好, 但股價已升, 此刻入一注筆者待反彈見$4前沽.

好孩子(01086)股價兩次見$3.47反彈, 筆者仍不明軟弱股價原因, 但食國策而言, 只有買貴, 冇買錯.

大市如見20800~21200點區間, 筆者會入手農業銀行(01288). 吉利汽車(0175)

文: 高俊權

2014-01-25

(歐美股市因為新興市場貨幣拋售引爆, 亞洲區股市週一跌幾乎唔駛講, 但問題係會唔會因為市況不明朗而押後退市? 如果係, 週一跌幅會有收窄情況甚至倒升現象出現, 且看)

最新投資動態!!!! 請按 –Fanpage like!! –

Facebook Fans page: http://www.facebook.com/yahookosir/

.<以上是筆者個人意見, 沒有任何建議和推介成分>

筆者博客:

香港讀者請觀看: Blogspot: http://kokokeiko.blogspot.com/

頭條網: http://blogcity.hkheadline.com/kokokei

國內朋友請觀看新浪博客: http://blog.sina.com.cn/u/1747429404

2014年投資組合:

短炒倉: (筆者以本金20萬作計算)

2014年短炒	買入價	沽出價		獲利	策略
周大福(01929)	$12.09 x 8000				目標$15 ~ $16 止蝕價: $10.8
御泰(0555)	$1.25 x 25000				目標$1.42 止蝕價:$0.98
現代牧業(1117).	$3.64 x 10000				目標$3.92 止蝕價$3.4
好孩子(1086)	$3.91 x 10000				目標$4.2 止蝕價$3.3
東方航空(0670)	$2.73 x 20000				目標$2.92~3.2 止蝕價$不設
		2014年沽出
金蝶(0268)	$2.36 x 10000	$2.87 x 10000		$5100	2014 / 01
中彩網通(8071)	$0.365 x 100000 $0.36 x 100000	$0.42 x 100000 $0.32 x 100000		+$5500 -$4000	2014 /01 2014/01
		1-12月 (2014年短炒增長)		$6100 (3%)
2009短炒增長		$198615(198.6%)
2010短炒增長		$ 80400(40.2%)
2011年短炒增長		$ -4620 (-2.31%)
2012年短炒增長		$22840 (11.4%)
2013年短炒增長		$ 38840 (19.4%)			以約20萬本金計算