[2014-2-20]
炒股人的投資日記 <第二回> :神與神的組合!
話說; 小弟近日入市次數不多, 其實咁講, 筆者一向不是每日買買賣賣果種大炒家, 講起來有點愧疚, 我相信我相比起很多專業投資者也較為懶惰, 每日走到咖啡店, 嘆一杯Minty Mocha, 看看財經新聞是必然的事, 當然, 在我嘆一咖啡之時, 輕量的薄荷香氣會滲入腦海中, 以保持頭腦清醒, ipad 永遠在桌子上長開股市監察表, 我不認為今時今日, 要返office坐定定才能賺錢, 科網年代, 我們動用腦筋便能賺上好一筆可觀金錢了.
這是2014年的現實情況, 或許, 5-10年後又有另一番賺錢的態度, 但今時今日, 呢個moment我形容為用腦賺錢的年代, 相信沒有人議異, 天馬行空的高登創作, <18歲的野比大雄> 一書熱賣, 加上早前
<向西村上春樹>君的成功, 令人意識到, 粗d講句, 攪舊野或攪壇野可能會帶來成功, 唔駛攪鋪勁, 一壇野攪掂便可以收工! 唔肯去嘗試轉變的話, Sorry, 係咁多了.
又, 今日不得不提, 美國科網Facebook宣怖收購whatsapp~ 哇, 呢單野可謂神級的對碰, whatsapp是近年環球最受歡迎的溝通工具之一, 其潛在客戶唔駛計都想到了, Facebook同樣是近年最神級的網路工具, 每天總要上facebook的人不計其數.
<神同神>的融合力量不可輕視, 遠古卡通<龍珠> 都有形容, 當魔童同天神融合, 實力遠比一條友勁數倍以上! whatsapp 面對wechat, Line等威脅, 力求轉變, facebook同樣受到twitter等去到頸位, 係網上資歷夠長的朋友, 都知道什麼是icq, 當年的icq熱不比現在whatsapp同facebook弱, 回家後的"喔噢"聲, 一定多過CCTVB的電視聲, 問題係, 一成不變的icq不敵其它品牌的冒起而沒落, 而whatsapp同facebook就選擇改變同合融創新~ 高下立見了.
今日股市下挫, 未升到我所講的22800-23000點就調頭了, 幸好我早前已沽走短炒牧業(1117), 東航(0670)止賺, 手頭上現金足夠了, 今天市況回挫見22300點, 單日跌270點, 收22394, 見隻輝山乳業(6863)股價挫, 但我睇下個圖, 短線10日線向上升緊, 加上乳業股我一直睇好, 今日把握機會入手, $2.69~ 下個Week期結, 市況下可波動d, 但應該係時候炒3月兩會會議, 有機罷!
 |
| (圖): 呢朵花當年唔比facebook同whatsapp弱, 但可借就係衰唔識變~ |
今日呢篇, 又<龍珠>, 又<icq>, 唉, 一睇就知... "我係中坑"啦!
2014-2-20
-------------------------------------------------------------
<炒股人的投資日記 - 按日更新 >: 按每日筆者的買賣動作, 市況, 心情, 隨意寫上幾句, 當中會透露一下筆者對大市或個別消息的想法.
<高Sir 講股> : 詳盡的文章分享, 收錄筆者對後市, 持貨組合, 個別股票的看法.
最新投資動態!!!! 請按 –Fanpage like!! –
沒有留言:
張貼留言