2014-02-19日開始 - [連載中]
「香港-----股票又跌, 樓又跌, 食野又貴, 租又貴, 打工的識少少, 但人工又高, 做生意既個餅就大, 但分得果少少唔知夠比租定人工!」
這是中午時段, 我一坐下友人甲給我的一段話, 下刪了二百字苦言, 加上當中又D又L又P的傳統香港式方言, 唔可以出街, 想講的是現實中我們正身處於這種狀況, 是真實而沒有半點誇張的, 社會上有人埋怨炒樓或炒股的人, 事實上為數不少, 一般會埋怨:「你炒股/炒樓, 輸左係你貪心, 抵X死」, 我總覺得這些批評是莫名其妙, 也看來是香港的獨有教育文化所造成, 在外地, 投資理財是由小朋友年代就要開始建立和培養的, 但在香港, 父母卻教育子女盡量避免接觸投資工具, 因為父母的年齡層上, 投資等於欺騙和賭博~
這好笑了, 投資理財的教育如果等於賭博的話, 究竟錢怎樣才可以得到增值? 好些年, 有人會認為辛苦工作, 努力儲錢這回事, 今天幾乎已經不能聽到這些話, 無錯~
早些年我們根深蒂固的思想, 正因為現實環境中被逼去改變, 今天香港打工仔的競爭力遠低於其它國家, 衣食住行四大生活品每樣香港價格都維持世界級的壓力水平, 在辛勤工作已追不上四大主要生活要素下, 不懂得投資, 讓錢生錢去增值, 怎樣走得出一條血路?
香港打工的一群, 很多仍沒有意識到危機的所在, 在全球一体, 互聯網通行的年代, 要知道其它國家的實際情況, 縱使足不出戶也可以略知一二, 香港打工的一群, 大多埋怨老細工作量大, 人工輕微, 工時過長之類, 實際上, 香港的工資水平, 相對台灣/國內/新加坡等都要高, 但香港打工仔實際上是否叻過人, 如果當過老闆一天的, 相信是心中有數~
朋友的一段怨言, 看見現時香港股市的情況, 作為投資者的我, 同樣有百般滋味, 香港股市的暗淡, 不比近日樓市為弱, 可以咁講, 香港現況係股又炒唔到, 樓又唔比你炒, 人工又追唔上通脹, 做老闆又唔夠資源同人爭, 香港究竟還有什麼希望? 我計算不到,
如果用股票去比喻現在的香港, 我敢講係一隻退色的藍籌股, 用匯豐(0005)去比喻今天香港的環境實在是最合適不過, 幾年前, 匯控的股價在金融海嘯前, 高見$152的神話一去不返, 近年股價屢次未能升破$90水平便要回落, 在筆者初出茅廬, 投資股票的時候, 匯控(0005)的股價如果見$80樓下, 散戶是一窩鋒排隊入市的, 因為當時意識是, 匯控一隻咁優秀的股票, $80以下入市平到震, 冇得輸!
今天, 你同人講$80買左匯豐(0005),
冇人會覺得你好叻, 仲會劈頭一句: 「咁X貴? 你傻嫁? 輸左抵X 死!」的冷語! 當然, 匯控昔日的光輝已不再, 但畢竟仍有一定實力, 等同香港在亞洲區的金融上, 仍有一定的代表性, $80你話平唔平, 貴唔貴, 冇得咁講既, 一隻匯控, 以近年股價來講, 價錢最多都只係$90, 問題係: 匯控係咪可以為投資者賺到大錢的工具? 香港是否一個令人可以安居賺大錢的地方? 答案就可以好肯定講: Sorry, 唔係囉!
有人會咁諗既, 「呀高sir,你樣細細, 唔好扮老人家咁玩當年今日啦~」, Oh, Sorry~ 唔好以為$80匯控覺得便宜的年代好遠呀, 其實, 只係10年內的事咋.
股市近日指數守22000點, 卻大市下跌股份超過1000隻, 幸沽出了牧業(1117), 今天溝入金蝶(0268), 股市跌完未? 大市明天期結後該可見穩定, 五窮出現的機會不大, 但六絶要防, 手持的股在五月份把握機會出貨為上策.
匯豐同香港一樣, 都經過了一個燦爛的年代, 可惜近年香港褐色了, 好大程度上已不是能夠為大家賺大錢的地方.. 另人有點唏噓.
2014-4-28
文:高俊權
-------------------------------------------------------------
<炒股人的投資日記 - 按日更新 >: 按每日筆者的買賣動作, 市況, 心情, 隨意寫上幾句, 當中會透露一下筆者對大市或個別消息的想法
<高Sir 講股> : 詳盡的文章分享, 收錄筆者對後市, 持貨組合, 個別股票的看法.
文:高俊權
-------------------------------------------------------------
<炒股人的投資日記 - 按日更新 >: 按每日筆者的買賣動作, 市況, 心情, 隨意寫上幾句, 當中會透露一下筆者對大市或個別消息的想法
<高Sir 講股> : 詳盡的文章分享, 收錄筆者對後市, 持貨組合, 個別股票的看法.
最新投資動態!!!! 請按 –Fanpage
like!! –
