可以用無助去形容今次既跌浪. 記得於2007年前, 大家仲過緊一個火辣辣的聖誕節. 恒指當時勢如破竹. 估唔到調整話來就來, 仲要係連跌多天. 計一計, 恒指高位20500點一跌跌足1000點. 中央既一句說話叫我地特首大人保持清醒原來係咁樣.
個人睇法既係, 大市早前仲火火地, 點知而家一江水淋下來, 咩都冷卻番哂, 講真, 要整熱番個市又要一段時間, 港人才剛歡天喜地, 而家大家又愁眉苦臉. 係呢個時候調整, 仲要跌得咁急, 有點出乎意料之外. 姑勿論看錯市又好, 運氣問題又好. 無計了.
恒生指數睇番個圖, 相信要等到19000點先有真正既大支持, 在此之前, 恒指10天線一點防守性也沒有. 今天大跌三百多點, 收報19568點. 10天線已跌破, 技術性轉淡, 而19000點是上次升市之開始, 該不會有失, 而主力線20天, 50天線都集結於19000點之後附近, 如果一旦跌破, 全數股票連長倉會一起收工結數. 因20, 50天線一破, 調整會較深, 而時期會比較耐. 執筆時, 杜指偏軟, 而本港股票於美國上市的股價仲跌得恐怖. 現時(11:52p.m). HSBC at ADR $139.4, 中移動ADR $64. 2大龍頭都比本港收市跌1元, 咁攪法明天又大跌2百點都有之.
個別股價方面, 本人正留意幾隻實力股, 其中2339北泰同1055南航係我近期留意的股票, 但現時市況不利, 由目前到下個安全位仲有500點子跌幅. 唔講得笑, 都係留意住先, 忍忍手稳陣. 仲要要留意係, 期銅見過低位$252之後, 連升二天達$261水平, 但本港江西銅(358)受市況拖累下反而下跌. 股價現已經值得一看. 留意.
本週六Blog主外遊大板7天, 下週不能看市. 請見諒.
沒有留言:
張貼留言