匯控0005.HK再次發出盈利預警，指出公司因美國市場信貨業務轉壞，有進步撥備必要. 呆壞賬撥備將較市場共識88億美元超出兩成.
港股開市，匯控股價隨即大挫三百幾.匯控一開波唔見$3.5~最低見$139.8, 收$140.6. 下跌$2.9.
高盛同美林兩間大野仲踩多一腳. 齊齊發沽售報告. 目標價睇$130. 個人認為, 匯控選擇於此時公布此等重大消息. 其美國果邊的業務真係好唔掂. 而且, 大家都知匯控如下月公布業績. 臨業績前發出預報, 大家對下個月的成績表都唔好有咩寄望. 匯控現走走勢相當利淡. 今天低位$139.8. 明顯地可以看到$140關口支持力度有限, 記得上一次匯控要跌到處138.8 先識調頭. 如今有機下試此支持位. $138.8若然下破. 將會有更深既調整. 除非匯控既股會早日回企於$142.5之上. 否則後市唔看好.
匯控表示，美國樓價升幅放緩影響現已反映於次優質按揭市場拖欠還款情況不斷惡化，特別是近期批出之貸款，原因是股市未能升值，令再融資選擇減少。預繳款項速度放慢，亦顯示隨著可調息按揭由原來較低的利率進行重新訂價，可能對較高的合約付款責任拖欠情況造成影響。
暫時我睇唔到匯控可強力反彈既因素. 看來難免一跌. 且先看看$140元散戶血肉長城既防守力. 而若果HSBC回至$136~138. 可考慮買一注試下.
我深信, 優良既公司, 雖然管理層預計錯誤, 但他們要糾正過來既時間較短. 因為在於他們是優秀! 無一個管理層唔會犯錯. 但如何介定優秀既就要看看事後的功力. 我們且看看匯控既管理屠是優還是劣罷!
沒有留言:
張貼留言