在此之前, 香港股票市場內各零售股已經爆上唔少. 但只要留心看看, 不難發覺仲有一些好股冇升過, 仲幾抵買. 大家不妨看看 (0984) 永旺. 即係香港既吉之島百貨.
由上年到今年, 其它零售股好多都番左番, 或番左半. 如利福(1212), 恒豐金(870), 周生生(116). 但永旺連行都冇咩行過咁滯. 講真永旺的業績該有保證. 市場找落後股的話下隻可能到佢. 但成交相當少, 反映市場冇人睇住, 大家可先留意做下功課先. 其餘恒豐金市盈率低. 比起同系周生生低一位有多, 股價潛力大. 可以留意, 如果再進取一點, (860)明豐都可以諗諗, 講PE呢隻極低, 講值博率呢隻又夠, 仲係細價股.
點解今日提起零售股呢? 無他, 今日到維園年宵一趟, 哇, 人山人海, 都唔知幾多人拿錢出來買野, 仲加上望望月曆. 今日又唔係年三十, 哇, 人已經多到咁, 每一年筆者都會到年宵市場看看熱鬧, 記得沙士果期個場行得舒服到震, 以後每年比上年好景. 今年更加勁, 未到年三十已經咁多人. 仲我見大家買野都唔用點講價, 市道好明顯好好. 各類零售股就係旺市下的受益者. 買佢地既股票都好應該. 至於租金問題又是另一回事.
臨近假期, 股市反反覆覆. 外圍美國佬大升百多點, 港股都先大升而後回. 股票市場等放假, 而各大隻股都無咩力, 看來都要待新年後先有明確方向. 現市況風險再升級. 由於業績期臨近, 大家一定要留意市場消息, EQ功課一定要做, 先分析後買股.!
沒有留言:
張貼留言