淡友變好友, 好友變喪友. 呢個市唱反調好似財經名人呀沈生咁, 比人小到阿媽都唔認得. 恒指今天先升二百幾, 破20500點, 但高位放貨者眾, 指數一度調頭下跌. 尾市升一百點. 恒生指數收市20413點. 執筆時, 美股於07年第一個交易日大升百多點. 明天港股升幅可想而知.
筆者昨日篇網誌講左些少心水輪. 今天買入些少, 都有斬獲. 個别股如1888建滔板收市企稳9元大關口. 記得上次下跌就係由9元開始, 今日重上關口, 企得稳後市再上試10元.
筆者認為個別股份可追落後. 和黃係其中一隻. 但正股要動用既資金大. 一般散戶可買入其認股証短炒. 到目前止, 小弟持有中人壽call. 和黃call. 買入和黃主因炒落後股和黃一定有份, 佢由70元升至80元. 剛起動! 大市牛眼咁升法. 和黃要炒佢一日升3元都不足以為奇.
另一方面, 中人壽我認為未升完. 諗一諗早前中人壽於$12元起動時. 平保不過$18元. 現在平保已經$50元. 中人壽得$28~雖然都係新高, 但我相信因a股定價於$18元的關係, 折價太多, 所以未升佢住, 但短線我認為中人壽整裝待發. 只要一起動, 破30冇問題. 所以買入佢call~等賺!
都係果句: 入市風險極高. 買輪嚴守止蝕位.
筆者不會在此介紹有關認股證之號碼, 因風險極高, 唔想害人. 有咩請去以下網址自己做下功課
沒有留言:
張貼留言