<<<我肯定這篇文章出街後, 訂閱的人數必然會減退! >>
恒指今天在我預期之外, 來一個大升市. 即月期指高水12點. 恒指收市18952. 升141點. 今天高位18994(冇記錯). 力撐個市的都仲係中移動同HSBC.
美國中期選舉結果已經塵埃落定, 民主黨12年後再成功得勢, 美股未完全反映民主黨奪得2議院的消息. 事實上昨晚美股由跌轉升, 都係靠個別公司消息. 執筆之時, 美股尚未開市. 留意美股會否因民主黨連奪2院而向淡. 只要美股出現單邊轉向. 港股勢必回吐.
恒生指數今天始終未能突破19000點, 愚認為恒指好消息經已盡出, 今天擺明造好的市況都唔過19000點, 已經有所示意. 筆者雖然多次說明唔好估頂和唔好造淡. 但都忍唔住手買左小注恒指沽. 今天雖然捱價中, 但個人分析, 現距離大回吐日子相信不遠. 捱價有個限度.
我今天決定, 倉內的恒指沽輪, 到期日明年三月. 決定暫不設止蝕區, 也不設止賺位. 買賣由指數而定. 單日的升跌不足以動搖, 如果恒生指數真出現回吐. 計一計, 由7月開始, 累積升幅達3000多點, 期間未有出現一次像樣的回吐, 市況不健康. 經過銀行門口, 又見一班阿公阿婆按股票機. 去到食市見到大量羊生羊太刨財經週刊. 不要說笑了, 還不是當年大回吐前的景況嗎??? Hold住沽輪, 係就係loss 時間值. 但我見唔到恒指有咩好因素會突破20000點. 可以說, 我就算捱價都係1000點. 比你. 但如果如預計般, 賺半桶金都唔出奇.
如此不是一個資深投資者該有的投資態度, 買輪set 下 cut loss / gain係基本技術. 但我今次同自己鬥鬥氣, 各位讀者千萬唔好跟. 則小弟功德無量.
<<< 人民幣升值加速, 為何要沽恒安1044? >>>
只係一句, 還記得做功課時得知, 恆安(1044)這所公司, 中期業績都講明, 人民幣每升值1%, 公司盈利會上升3%. 無他既, 該集團用美元去買原材料, 但賣既產品就集中國內用人民幣結算, 即賺就賺人民幣. 比就比美金. 現金市況, 人民幣必要升值. 美國民主黨上返台後對中國政略更緊, 逼使人民幣升值更快. 此都有利該集團, 而該公司用人民幣升值來抵銷原材料的價格上升, 整體毛利率又會有所上升. 如此我諗唔到點解要沽出這股票, 都係果句, 我唱好佢唔係因為自己大貨, 再分析一下, 是否該於回吐時再入手呢???
沒有留言:
張貼留言