今天恒指走勢奇差, 收市下跌84點. 收報20593點. 早段大市一度下跌跌破20500點水平. 中移動, 匯控表現沉弱, 恒指只有二三線股頂住, 其中利豐好消息帶動下, 收市升7%. 收購業務唔單止將自己原有版圖擴大, 仲可以令公司業務多元化, 對該公司而言的確利好.
美國方面唱反調, 又吹會可能加息, 今天恒指地產股應聲下挫. 老美講一句香港反應咁大, 睇得到都係借勢回吐, 美國加息可能性不大, 雖然美元的確好弱. 但其樓市之脆弱比起美元更甚.
講番恒指, 今天成交大縮至四百幾億, 農曆年在即, 大家都係等返埋今個禮拜等放假. 預計春節前恒指都係20200點至20800點區間上落.
油價已經到達60美元前, 我預計再升幅度有限, 加上油組講明無意再減產, 只要待美國同伊朗果邊攪點, 同美國既天氣冷完, 油價必定急吐. 現時待航空股回吐, 不用心急買貨.
股仔方面, (870)恒豐金連輪連日反覆上升, 今天已經升到$1.48元. 距離沙士個價位$1.65~$1.8仲有些少距離, 講真呢隻野我沙士時入過, 損失相當慘烈. 但我做過功課, 呢隻野其實唔錯, 年年出業績都賺成30%有多. 再加上其主席林先生的商業頭腦真係相當好. 恒豐金一旦比人睇中, 以沙士價計, 上番$1.8元唔係無可能. 而觀同一系的周生生(116), 六幅咁, 恒豐金相對落後. 但講真其股價由$0.9元升到而家, 只有睇住佢升算好了....
沒有留言:
張貼留言