中移舞動!!!狹死淡友!!!!- from yahoo blog Mar 20, 2007

今日馬後炮:

恒指開市升幾十點, 由於人行收緊銀根. 不少投資老手新手都估大市向下, 連生果報都寫恒生指數向下試18600點, 包括筆者在內, 都係估今日跌. 誰料大市高開後, 越升越有. 收市升成3百多點. 但大市升勢似強而成交未配合. 大市成交得三百八十億. 好明顯大戶冇出手入貨. 今日買賣貨都係散戶為主. 顯然易見, 升勢未肯定. 而跌勢又未止.

大市上升阻力維持19600, 未能升破該阻力線代表升勢未肯定, 只是反彈浪中. 而大市下跌支持位約18600點. 人行加息, 市場已經預計之內, 淡友發唔到力. 美國於週二, 三再度議息. 此關口一. 若美國減息, 暫可停止美國跌勢. 但長遠叫苦. 若維持息口, 市場又會一玫看淡. 美國都係靠唔住, 美市好把會下調. (12:02a.m升緊100點)

講番香港. 今天煤氣公布業績, 盈利增長11%~仲10送1紅股. 唔錯, 若以價值投資法買入此類股份, 十年後回報該唔錯.

倉內股票:

(753)業績公布大好.相信有助大陸航空股氣氛. 如果753國航一發力, 倉內1055南航該緊隨其後. 大事可成.

(1044)倉內恒安週三公布全年業績. 今天股價開始動. 明天該見$24

(358)江銅持續停牌中. 集團於3/28公布業績

(1133)哈動維持牛皮狀態.

明天點睇(3/20):

大市於今天上升三百點後, 美股現市升勢利好港股, 明天港股上試19400點阻力位. 留意中石油業績比市場預期差左少少, 股價可能會有沽壓. 但大市該由中移動再度發力, 全因該股週三公布業績. 明天恒指守19100點, 上試19400點. 如企稳19400點收市, 技術改善.動力增強.