很多名人講股佬對面前呢個市況都唔知點分析. 講真連一眾我有讀開既blogger都冇咩好講. 如相信大家都知道既 " 市場先生", 佢對目前既市況都無咩評論. 講真, 叫人20700點追貨, 或大升市之中叫人做淡, 兩者都吃力不討好.
受外圍下跌影響, 今日恒生未能承接上日大升4百點而一口氣殺上21000點. 但看來恒指市底幾強, 美股昨晚下跌八十多點. 日經早段下挫超過一百點下, 恒指既跌幅都比較細, 中午日經跌勢收窄, 恒指一度倒升. 由於市況看來未變壞, 只要美股或日經冇大跌幅, 恒指早晚上試21000點水平.
<< 恒安國際(1044) 開始突破, 有買要快 >>
恒安(1044)於$18~$21元區域又横行左一段時間, 據筆者持有的經驗, 此股通常於大升幅前的股價都維持於$1-$2內. 其間或會出現向下$2的調整, 由於近日各大行都開始調高恒安的目標價, 而預計來季三月公布的全年業績樂觀, 故業績前(三月前), 股價該出現突破. 由於今天見成交開始加大. 故不排除短期整固接近完成, 若股價突破$22收市. 其將會上試$25元. 該股今天升$0.7, 收$20.7
<< 小注買入匯控認購證4442 >>
今天恒指出現小量回吐, 各大藍籌表現各異. 中國移動升$1.8. 但反觀匯控下跌$1元. 預計恒指今天小休後該會向上再試, 而匯控表現落後大市, 上一段的升幅只是剛起步, 趁今天回吐$1元小注入匯控call. 正股先看$147作第一步止賺.
<< 累積財富, 航空股回吐見底時追入 >>
航空股早輪氣氛高漲, 呢2日受期油反彈而回軟, 其實大都知道這一陣子航空股炒過左火位, 係時候要回吐一下. 我認為此輪回吐正是入貨之良機, 不少朋友認為我持有的南方航空該先作止賺, 但我認為若南航股價由高位$4.1回吐至本人買入價$3.5, 理論上咩都調整完, 長線看好航空股因為今年焦點放於明年奧運, 加上我國一早講明國內航空股要做到強勢, 長遠有咁好既因素. 若股價真的向下回吐, 何不儲定錢作買貨準備?
沒有留言:
張貼留言