好一個小陽春. 再度增持恒沽2278.!- from yahoo blog Dec 5, 2006

有時看一個討論區的確可以看到人生百態. 好似今天恒指升市, 恆生指數今天升241點,報18944點. 成交4百億.

本人在香港討論區上看到關於什麼 "淡友已死" , "買咩升咩", 唉. 見到都攪笑. 一來, 恒生指數今天可說緊住美股反彈二百多點. 技術上恒指未能突破19000點. 19000點現阻力, 而成交金額只有四百幾億, 和當日人人看大市上望20000點時, 日日過五百幾億都差一大截. 而美國昨天上升事實上好大程度因為有公司合併, 收購等消息. 可見日經指數今天由升轉跌. 港股又再一次高收. 一眾於討論區的茶客竟未有察覺到市況古怪或暴雨前夕. 仍自吹自噓. 見到都唔知好嬲定好笑.

但都唔係全討論區既人都如上既, 有些聰明者早已沽出手上的股票持有現金等睇大龍鳳. 話之個大市又吹上19000點. 講真, 有經驗的投資者都知而家個市玩咩. 上週單日跌五百多點有投資者竟視之為入貨良機. 我相信死就係死呢d人. 對上幾篇我都分析過, 高位派貨, 比個小陽春抽高, 再一次大跌就好恐怖同死好多人.

如今竟然出現"通街股神"既局面. 新手問老手點解唔跟入市, 因新手賺大錢. 唉. 見到咁, 小弟終按捺不住, 買入早前捱價中既恒沽2278. 再度出擊. 我相信大市的調整會比預期既急, 因呢一兩天既市已致不少散戶中計.

執筆之時, HSBC剛公布如下:

" 匯控表示，其第3季的財務表現較去年同期為佳，但其第3季收入增長步伐則不及今年上半年，這主要由於期內費用收入出現季節性波動、部分市場的借貸速度減慢及投資銀行收益表現疲弱所致。

另外，匯控第3季壞帳水平按季及按年均略為上升"。

這絶對是一個壞消息. 今天的恒沽2278. 買入後雖然捱價, 但我相信距離我賺大錢既機會越來越接近了.