期銅大回吐, 江銅先回試$12, 祥泰發力見$1- from yahoo blog May 18, 2007

筆者隨筆:(5/18) 

美國銅價連續數日下跌, 於高位計下調約13%, 距離大戶所預期的跌幅還有一半, 筆者相信大戶認為要下跌30%先夠數, 只係言過其實, 但期銅下跌的勢頭還會持續一段時間, 主要是, 看看大戶咩水平認為平, 可以入貨, 就係銅價上升之期. 佢地話30%, 經驗上, 可能調15~18%就會完結.

筆者反而高興, 江銅(358)係好野, 但我讀過討論區後, 就可以肯定江銅呢幾日將會再一次大回吐, 原因係討論區有不少江銅支持者, 江銅早前強勢大家一起高唱$15之時, 叫人入貨之聲不絶, 從來股票既錢邊有咁易賺, 散戶搶貨就是大戶派貨的良機. 大戶點都會借機震一震班散戶, 到大家信心弱沽出之時, 又係大戶入哂貨準備爆升之際.  筆者倒認為討論區的散戶指標相當準確.

說回恒指, 杜指創新高, 恒指反應不大, 反而動力郤開始減弱, 大市可能短期見頂都未定,  現時港股偏向牛皮, 投資者留意若恒指企穏21000點之上, 技術性向好. 反之, 恒指必定要守穏20400點, 才確保上升動力. 

人行又吹加息, 股市可能先來一個急變. 如果真係咁, 秋官就果真利害!haha

倉內股票:

恒安(1044):

收市$26.25. 恒安連續三天下跌回吐, 股價跌破10日線. 短線會再回試20天線整固. 目前20天線約$25.6附近. 計一計,恒安於$25附近該短期見底.  由於升幅太大, 短線回下都係好事. RSI漸見60, 股價開始會作反彈.  我對恒安充滿信心. 恒安管理層一直信譽良好.  加上7月山東廠房新投產, 首年產能達6萬噸. 故此相信, 恒安未來幾年的盈利仍保持高增長水平. 本倉會續持有. 以畢菲特的價值投資法去投資此股. 若回試$25附近整固再爆上, 下一個目標該突破$30.

江銅(358):

江銅跟期銅價格回落, 投資者要知道, 期銅價格回吐比想像中急, 短線江銅受此消息該會下跌. 江銅除息後, 不排除會下回至$11.5水平, 到時本倉會考慮加注., 長線投資不該為小調整憂心. 筆者預計到江銅將會大跌而不考慮沽出. 請讀者想想何解?

長線江銅目標維持$18. 除息日是5月28日.

澳門祥泰(0199)

收$0.61. 澳門地產業前景看俏, 今天再上揚10%, 而且成交相當大. 還未有消息放出而出現如此 大成交,估計一定有好消息跟尾, 此股現價唔算太高, 不少三線股已經突破多時, 此股反之落後, 澳門手頭上的單位若全數出售, 套回資金巨大, 比本身市值還要高, 目標set $0.85~$1, 此股先看消息後諗買賣. 姑勿論, 回報已經相當好了.