今天大市(4/17)
大市獨靠匯控都攪唔掂. 收市下跌11點, 看來要等多陣先可向上突破. 中國人壽業績良好但股價唔升, 反映大行認為該股股價已經反映以上業績. 另一隻五行三保中的中國財險(2328), 業績一般就比人震倉, 唔見8%有多.
大市成交額持續高企, 有接近六百億, 明天將公布新股碧貴圓(2007)的中籤結果, 筆者唔係留意有幾多人中籤, 只係注意到由於近來新股認購頻密, 大量資金被扣起, 但大市依然成交暢旺, 假如資金從新股回流, 豈不是超過7百億?
諗一諗就知現時股市狂到咩程度. 加上身邊朋友對股市的表現, 不得不令人憂矣.~
倉內股票:
收市$25.1-- 恒安終於比人高位震倉回吐, 股價一度下跌$1.5, 短期內震倉活動未完成, 股價料會回吐至$22附近, 今次一定要把握機會加番注. 短線如回升至$26, 會試$28, 底部該約$22. 持有好股, 下跌根本不用擔心, 反而先入貨良機.
哈動(1133):
哈動報$9.19. 令人果真失望, 哈動的防守支持線相當不可靠, 股價剛跌破20線, 利淡. 看來又要再一次回試$8.9水平. 長線該不成問題, 但短線看來要坐耐點了.
江銅(358):
收$12.1, 江銅業績前一度爆升至$12.5, 但高位回吐, 期銅昨晚大升都坐唔到火箭. 江銅形勢由主動變被動, 業績好壞都只係睇大行點寫, 現時尚未有江銅業績消息. 期銅回吐中, 英國銅價跌破$8000, 還是等待其業績再作評估.
江銅CALL (7781):
收$0.34.此認call唯一缺點是太過價內, 以致相比起3830, 這隻認證升幅相比太遠, 其實筆者不打算持有認證去過渡業績時間的, 但耐何今天江銅正股(358)回吐比想像中來急. 現時形勢被動, 如明天早市升, 本倉會先放出獲利.
騰訊(700):
收$24.7, 股價利淡, 隨時先止蝕,留待資金買入其它股票. 若回升至$26, 也會放出.
回應讀者:
(電力研究員): 現時造淡分分鐘比人狹死. 先沽出cut loss係明智之選. 至於發哥既問題, 佢都答左你, 你可看看.
(oman): 其實而家可說是牛市三期中的尾段, 或是熊市一期中初段, 所謂牛三, 熊一, 就是杜氏理論所說的, 簡單來說牛三期: 全民皆股, 阿豬阿狗都做股神, 大市大成交破新高. 而熊一就是於牛三後段中, 由於累積大量升幅, 股市會因一個消息或事情突然轉向, 向下大跌調整, 熊市一期, 於高位大跌過程中, 偶有反彈, 但總括來說還是利淡, 所以該於反彈沽出放貨. 就現時恒指, 上一次由20700點大跌至18700點附近, 家下小陽春回升又試新高, 我個人認為只是牛市三期中的尾段現象, 再一次高位突破後大市就告一段落.
(見習股民): 多謝先, 有空大家研究下.
個人認為:
江銅(358)買左正股不用擔心, 反之買入輪的要小心一點, 業績後舞上舞下任由大戶吹水的. 當然若果其業績相當差就另計, 由於warrant有時間值. 故業績後的波動未必可受得起.該先行獲利.
大市短期該未有力破21000點, 但千萬不會造淡, 回一回氣就破. 到時淡友坐艇.
現在是熊市一期. 熊的確已經來到了. 讀者入市要留意.
沒有留言:
張貼留言