大市又向上爆. 今天仲強, 恒指收18714. 升二百六十幾. 好友今次殺盡淡倉, 恒指又創新高. 現價超多散戶心動想入市. 看來大市上升水位還在. 恒指勢向上尋頂!
我早前講過, 18300點時, 對股市有一定年資和認知的人會造淡. 但會比人挾死. 因當日7年的新高罷明係做個陷阱比投資老手的. 一般的初心投資者於高位時只會猶疑現價買上會否太高之類. 絶不會看跌的. 所以前幾天恒指小回吐的陷阱的比老手中的. 如今當日造淡的已全軍盡墨. 大量散戶, 初心者都心動現價入市. 但普遍還知道現價太高了. 敢諗唔敢入.
我相信, 恒指會再向上突破, 如果升多一天, 我相信大量散戶會大舉入市. 因牛市飛天的確吸引. 連升幾天會使人降低戒心.留意散戶指數, 如果他們普遍講恒指有機見2萬點, 或阿豬阿狗都入市而賺錢時. 係時候準備沽出持有投票. 而留意1,2隻恒指沽到時搏殺都係一個好主意.現時千奇唔好估頂, 冇人會知浪頂在那. 唉 今次由浪頂跌落去既時係, 一眾無知初哥又會血流成河, 諗起都心酸, 希望讀者們唔好中計, 現時不要再入市, 睇位沽走短線倉的組合.
回應一些讀者的留言: 二少於10月31日<< 給我展翅罷>>的留言: 首先多謝先. 我個人的實戰倉現在只餘下1044恒安, 得知閣下是同道中人, 都幾欣慰. 因為講真冇咩人會留意1044恆安這股票. 而閣下於$19沽出恆安換入蒙牛都係一個正確做法, 因大家都係內需股, 又係龍頭一哥, 而2319的價細過1044. 咁做先鎖利潤都好正確. 本人都有諗過. 評估過後得出結論如下: 2319冇錯係好股, 但大陸食品, 飲品始終令人擔心. 加上牛奶製品相比起1044的紙巾市場, 風險會高一點. 而主要恒安有另外的女性衛生巾市場正急速撗展中. 所以失認為1044, 2319可以一起持有買入, 但要分開資金去買. 賣出1044換2319. 到頭來可效果相若.
回應木火人於11月1日 <<美國中期選舉前, 大市牛市樂觀.>> 的留言: 197亨泰我都有留意, 呢隻股票看似有買盤買入, 而價目看來蓄勢待發. 加上該業務收入良好. 但上月升幅較大. 如11月股市氣氛轉淡, 該股防守支持不足. 另680南海呢隻股票冇深入看過, 但公司新聞上的業務係Loss擴大, 不是Earn, 是否閣下攪錯了?還是?
另外我研究緊8201中國消防這隻股票. 大家比比意見好了.
沒有留言:
張貼留言