一月期指今日結算, 由於上週恒指跌左唔少, 本週結算日淡友可能一早已鳴金收兵. 今天恒生指數高開後一度調頭向下, 臨近中午收市前指數調頭回上. 恒指收20460點. 升223點子. 成交只有三百多億.
成交咁少, 好有可能係大家都舉棋不定, 美國今晚起一連兩晚議息. 眾多投資者都抱觀望態度. 相信美國都係維持息率不變. 如此留意明天地產股後市表現, 好有可能帶領恒指再一次上試21000點關口.
油價高位回吐, 航空股走勢各異, 南航先升後跌, 國航, 東航升. 個人相信油價由高位$55美元回吐, 只是獲利回套, 而油價短線會上試$58~$60美元才回吐. 長遠我支持低油價. 所以本倉上一次錯過低買南航既機會, 本週會留意走勢再試. 目標$3.4以下入手.
今天與友人討論, 得出結論是現時恒指未有補回上一次的裂口. 該上升裂口約19600點附近. 此話怎說呢, 這是如果恒指由今天起計20400再次起動, 上破21000點至21500點附近, 這裂口的差距就變得巨大, 恒指到時如果回吐, 足足有2000點既跌幅. 都唔好話唔驚. 我相信今天期指結算後, 一切都會明朗化, 且先看看是好友先發功還是淡友發力.
沒有留言:
張貼留言