期指結算日港股大跌360點. 收市20147點. 成交增加至六百多億. 今天中移動(941)再度領軍, 跌$2.35. 加埋一眾地產股, 風聲鶴唳. 大市一度下挫480點. 近20000點前獲支持回升.
收市後, 本港晚上美國開市的ADR跌得都好恐怖, 中移動跌8%接近$70水平, 記得中移動上一次起步又是$70蚊, 香港呢邊可能隻中移都要回試呢個位, 計一計. 仲有4蚊要跌.
內地爆左個小股災, 近千隻股跌到停牌. 記得早幾日, 隻江銅(358)大升. 今天一度升上$9.95. 但立即調頭向下. 一跌跌左$1~至$8.9, 高位追貨者無數, 今晚期銅表現又唔好. 睇怕隻江銅(358)明天要先回$8.6呢d位. 咁樣搞一搞, 高位蟹貨者眾. 要升番上去變得有點難度. 股市真係變化萬千. 早幾日江銅先上破高位變得無阻力, 而家立即一籮蟹貨. 好在本倉低位入市. 今次真係一場夢.
另外, 早前說過南方航空(1055)見$3.6以下可補入, 但市況急速變壞, 油價上升固然令南航受壓, 但國內出現既小股災都已經可以令南航打回原形, 油價尚未見頂, 此股該會續跌. 目標價下降至$3.4以下入市.
國內的小股災,倉內一眾股票都無一幸免, 恆安(1044), 哈動(1133), 隆成(1225)等好股都受拖累, 全線下跌, 我預計恒生指數今次回試上升裂口19300點至19600點. 如恒指回試至19300點, 其實並不是壞事, 市況可以變得更健康. 但一眾新手或投資初哥, 能否經得起這小波浪, 我又唔多好.
本倉續持有恆安(1044), 哈動(1133), 隆成(1225), 江銅(358). 長線倉保持不變, 暫不作沽出.
短線倉買入(0355)世城.
沒有留言:
張貼留言