恒指於豬年開市日, 紅盤高開又高收.恒指收20651. 升80幾點. 成交有4百億.
睇真一點. 今日升市, 又係全靠中移動(941). 中移動升$2.3. 撐起個場, 其餘地產股唔靚仔. hsbc更加唔好睇, 一跌跌左$1. 好在隻call輪止左蝕.唔好渣到冇.
日本央行終於加息, 雖然加唔多, 但內地又有收緊銀根政策出場, 國內仲放緊春節假期, 要下週先開市, 預計得到呢幾日至下週會好波動, 一方面國內市場點樣反映中央再出手打壓過熱股市呢? 另一方面, 下週二月份期指結算日, 市場上淡友一定找緊機會反擊. 加上三月頭HSBC公布業績, 睇佢都唔多靚仔, 我認為hsbc今次會先下試$136元呢一個關口, 頂唔頂得住就睇業績了. 期指結算前, 港股前景未明, 而家入市, 無十足把握攪點, 不如休息下.
呢個市, 都係果句, call又死, 沽又死. 來緊三月份, 市況仲恐怖, 咁多隻大野公布業績. 市況一定好波動, 買輪我仲唔識睇, 而買實股就一定要買有前景同實力的股票. 就算大市調整, 有實力既股都唔會跌太多, 倉內隆成(1225)諗緊加注. 但我只會待股價跌回$1.1才考慮.
呢幾日大陸個市未開, 市況都易掌握d, 我認為冇信心既投資者可以先沽貨走人. 而我認為內需股, 航空股是今年焦點. 較次要的是金屬股, 資源股. 和個別零售股等.
收到風隻(199)澳門祥地產可能會爆上. 大家不妨小注玩下. 輸左小弟不負責的!
沒有留言:
張貼留言