航空股於三天內連續下挫. 今天三大飛機股都唔掂. 東航, 國航, 南航都分別下挫2%~6%不等. 而恒生指數今天都算古怪. 外圍大好底下高開五分鐘急回. 收市仲跌百幾點. 由於一月份期指結算在即, 不排除好倉者結數走人. 淡倉都籍仲有時間發難. 個人續看好恒指短線上試21000點.
航空股的下跌主因是國際油價持續反彈造好. 期油企稳$55美元. 美國大佬布薯仔話動用戰略石油, 油價立即反彈. 但我個人唔相信油價會一直咁反彈上去. 始終$50美元有一定支持. 但要破$60又係另一回事. 此輪油價上升, 正好比早輪大升的航空股回吐, 現水平已經吸引到我再度增持, 我看南航因為其值博率高, 此外, 該集團近期公布成立5年內首次錄得盈利. 最斤投資收回資產損失高達7億元. 以及旅客, 貨運量比上年都有稳健增長, 由於上次業績的成績受高油價影響, 故預期來季的業績公布受油價回落而有所提升. 我對其業績充滿信心. 睇定跌勢隨時加注.
沒有留言:
張貼留言