今日馬後炮(3/21):
恒指連續走高第二天, 收19356點, 升90點. 成交未有顯注回升, 只有390億. 大市一度突破19400點水平, 昨夜杜指大升百多點. 主要是公司併購消息. 今晚美國開始議息旅程, 減唔減息對美國影響幾大. 後市會變得波動.
中國移動明天公布業績, 股價今天造好. 匯控回升至 $135水平. 新上市銀泰百貨(1833)收$6.44. 比招股價高接近20%. 國航業績後沽盤湧現, 收市$5.74. 此股50天平均線呈$5.7 , 今天一度跌穿但好快有支持反彈. 國航業績其實唔錯, 派息又平以住好. 反映公司現金流稳健. 今天下跌估計只是大戶震倉入貨. 業績過後出貨唔出奇, 此股如破50線$5.7, 該進一步下試$5.5或以下. 而且回吐會頗急. 但長遠計一定升番上$6.
倉內股票:
南航(1055). 收市報$3.61, 國航(753)業績過後又傳中央注資. 雖已否認, 但睇番國航負債水平甚高, 達62%, 而南方航空絶對唔會比佢少, 所以國家要航空股出頭少不免都要出出手. 空穴來風. 另, a股折讓H股價約46%. 而油價未見大升之下, 南航將成焦點.
恒安(1044). 明天將公布全年業績, 股價今天再升, 最高至$24. 收$23.65, 明天業績前股價有機再度炒高, 全年高位$24.25. 突破後先看$25. 業績過後自然會回落.. 不應此時高追. 美林預計盈利增長47%.
哈動(1133): 哈動今天一度升至$9.5~可惜上升動力不足. 股價還在上落市中.
江銅(358): 江銅今天復牌. 母公司落實注資在購回銅礦, 非常正面的好消息. 而A股配股集資, 市傳a股配股價$13.xx, 比國內現A股造價$18有大折讓, 但h股就有大把上升空間. 今天一日升20%. 收報$9.22, 江銅本倉評定買入. 一. 集團公布全年業績前, 估計大好(4/18公布). 二. 國際期銅反彈升至305美元未反映. 三. 公司宣佈日後還會有買礦等動作. 本倉認為江銅目標價$13.
大市今天反彈至19400明顯乏承接, 成交不多. 加上美國議息增加變數, 明天中移出業績前料牛皮. 恒指明天該牛皮上落市, 上試19450, 下守19250附近. 期指臨近結算, 且看好淡角力. 本週多變數. 長和將接力公布業績, 後市估計會大波動.
沒有留言:
張貼留言