港股長假期後開市向好. 恒指收20347點. 成交超過五百多億. 匯控升$1.6. 至$138.7水平. 讀者留意, 匯控(0005)於美國ADR 上週收市經已突破$140. 市場上若匯控成功重返$140. 技術性將全面向好. 早前跌幅裂口位補回. 另一隻中資股中移動(941) 輕微上升. 與匯控不同, 中移近期走勢積弱. 後市可能只會狹匯控而上, 人行抽緊銀根後, 五行三保續維持強勢. 三隻保險股報捷, 其中平安保險(2318)收市$40關前見阻力. 相信短時間內會續突破$40關口. 大陸銀行股亦造好.
今日大市焦點點都要講下隻(0355)世城. 世城投資新項目天然氣, 股價連日炒上, 今天最注目股價狂升72%. 讀者記性好的話, 還記得本倉早輪買入世城短炒, 當時買入價$0.118, 可惜天命如此, 世城於本倉止蝕後出現火箭升勢. 還好筆者於股海多年見過風浪, 今次賺唔到唯有下次再找機會. 始終有一天會成功. 但有讀者問我為什麼看好富豪三系而現價唔追入!~ 我認為投資者該要知道一隻股票若錯失左佢既升浪, 沒法子就是沒法子, 但若該股已升300%而高追的話, 好似有點不合理是罷?
回說恒指, 大市成交增多而再升, 稍後多隻大型新股續上市, 市氣氛再度高漲, 我大膽認為恒指於本月內必創新高, 而且升到你唔信. 此為筆者常提及的終極一升是也.
倉內股票:
哈動(1133): 哈動報$9.21, 股價重上10, 20日線, RSI 升破50水平, 動力開始增加. 如買貨者現價可入市. 本倉維持持有. 暫未有考慮沽出. 短線目標$9.5
江銅(358): 收$11.08, 江銅受國際期銅大升而造好. 加上大陸A股(600362)收市$23.62, A股與 H股折價擴大中, 股價絶有可能向上升至$13~$15水平. 但江銅RSI現約78. 反映此水平逐漸超買中, 股價可能要輕微回吐. 隨著國際期銅大升至$340, 本倉推高江銅目標價, 短線$14. 本倉維持持有. 若股價見$13回吐, 立即加注. 長遠江銅必定造好.
江銅CALL (7781): . 收$0.315. 正股江西銅破新高, 此輪今天升15%. 由於本倉維持江銅向好睇法. 此CALL相信會再度上升. 讀者要知道當江銅正股若高位調整回吐時, 此輪的跌幅可能會幾大. 要有心理預備, 若短線的話, 正股(358)若見$11.8~$12.5, 該先行獲利, 本倉若見江銅正股調整下跌, 於此輪回吐時, 會加注入貨. 但此舉絶不合適新手或初心投資者.
騰訊(700): 收$26.25, 股價由低位$24.8反彈, 今天一口氣再度突破$26關口, 短線動力回復, 以過往表現, 此股立即上試$30水平. 本倉若見此股$30不破回落, 便會先沽出獲利, 若突破$30, 再作別論.
百利保 (617): 收$0.42. 系內(355)世紀大升. 本倉走失355世城, 幸好還有子公司百利保(617), 今天大成交上破52週高位, 股價續試新高, 由母公司由$0.1附近升至$0.44, 上升約340%. 百利保於富豪旗下之一, 富豪手上有大量現金, 我相信世城(355)新項目之後, 百利保於北京的project一定有後路. 坐定定睇movie.
後市點睇:
後市恒指該續強勢, 伊朗問題解決, 油價自高位回吐. 對美國企業以致美股都有幫助, 恒指於大量新股集資時份, 可能一口氣直上21000點. 早前造淡体無完膚.
航空股於油價回落稳定後, 可再度留意. 其中南方航空(1055)股改可能有消息跟尾.
期銅造好, 短線強勢. 若江銅回吐, 只是高位回吐整固, 不用慌張.
大市若升破21000, 本倉會考慮沽出短倉獲利, 待終極一跌來臨.
現在是熊市一期. 反彈要作出適當減持.
沒有留言:
張貼留言