大市連跌多天, 今早開市接美股升幅, 上升超過一百點. 始終大家對連日既大跌有點恐懼, 恒指上升一百點後, 看來冇人敢接貨, 冇人接貨個市自然向下, 加上下午時段, 日本果邊由升變跌百多點, 港股下午開市後立即穿左, 由於大笨象比人狂打, 加上中移支持唔住, 港股今天19385. 跌187點.
值得一睇就係, HSBC今天股價下跌之時, 一眾老散於$140元排出血肉姅牆城,相當壯觀. 可惜散戶一人一手的防衛力對大戶來說真的相當兒戲. 一下子HSBC就穿左$140心理關口. 不少老散又坐下次. 我記得當日HSBC的起步於$136元. 此價我相信於未來可說是hsbc的關鍵位. 一旦跌破$136元, 向下插底分分鐘見$120.
收市後美林加多一腳, 把其文如下:
" 倫敦 (XFN-ASIA) - 美林在研究報告中將匯控(5.HK)投資評級由""中性""調低至""出售"", 理由是其美國消費信貸業務前景堪虞。
美林分析師John Paul Crutchley和James Invine指出, 隨著美國利率上升, 匯控的美國消費信貸業務壞賬增加, 匯控需加強管理該業務。
他們指出, 匯控股價過去三年表現呆滯和遜色, 對於匯控缺乏迫切性思維不無擔憂。 "
留意匯控的走勢, 如果真的跌破$136元, 港股將全面性向淡. 千奇唔好見低入貨. 調整如果玩真. 可以好深! 另外, 大家又諗諗. 如今匯控已跌穿$140. 而中移動(941)現價$64元. 合唔合理呢? 記得中移動上年頭由廿幾蚊升上去, 如果調整加深, 下一站一定係中移動. 夠勇氣的投資者可買入其put. 我自問黑仔, 唔攪了.
恒指50天線報19166附近. 短線投資者要睇住平均線定下止賺或蝕.
<< 本倉買入1055. 南方航空, 3330靈寶黃金 >>
本倉內的認股證今次傷亡未算慘重, 但都見血了. 現在倉內已經沽清所持的認股證. 買入3330, 1055靈寶黃金同南方航空作本年度第一個放長倉的長線投資. 黃金我今年還是看好金價有機上試700美元. 受美元弱勢加上需求問題. 買入靈寶貪佢由高位10元已經回落3成, 再下跌機會少. 加上此股貼近金價. 而南般(1055)主要都係北京奧運, 再加上人民幣升值有利一眾般空股. 有朋友問, 為何不選擇國航(753)呢? 我知道國航都係好野, 於國內龍頭, 但龍頭股的升幅永遠都不及細既影子股的升幅. 而國航都升左唔少, 預期大家都高位下, 倒不如睇南航好過.
沒有留言:
張貼留言