半新股既升勢未了. 半新股跌既就係小弟隻招金 (1818). 好在上週五見金價勢色唔對放左. 如果唔係又唔見幾百. 今天好狠心地cut左隻京客隆 (8245). 講真, 我到而家諗來諗去都唔明點解日日係咁跌. 還是朋友們講得好 " 睇錯就要cut loss " ~ 雖然cut loss真係好有壓力. 特別係我一早錯過了要止蝕既價位, 但諗深一層, 呢隻我又唔係重貨, 賬面上蝕的唔係多. 留住d柴好快可以賺回來 (希望).
講開止蝕. 近呢一個月的投資眼光好似遲鈍了. 找不到好股票, 又錯過不少賺 / 蝕 的價位. 要好好檢討一下了.
半新股中上週追入的建稻 (1888)今天再揚2%至$9.63. 我相信此股如果肯持有多一陣, 炒上$11指日可待. 始終, 新股潮下要升難過跌. 大家都做接火棒, 唔好貪心就是.
恒生指數全日高收18924點. 升184點. 成交444點. 我發現今日收市的怪現象唔知有冇人發現, 恒指巧合地收市出現 (死, 死, 死死死). 小弟心生一卦, 唔同明天會大跌的凶兆? 哈, 巧合的罷? 姑勿論, 恒生指數今天雖然升市, 但整體形勢未出現突破, 始終收市低於20天平均線之下, 此是重要牛熊分水澗. HSBC今天於$140元驚見散戶排出血長城. HSBC收$140.3元. 今天倫敦, 美國adr的HSBC股價一定要睇住, 一破140元. 下一個支持位要到$136元了. 還記得多年HSBC股價$136元跌回$130元附近, 一眾散戶於$130排出血肉長城, 最後當然敵不過大戶的洗禮. HSBC要跌到$120先識停. 今次又會唔會出現咁既時候呢? 中移今天帶動上揚, 始終都係中移動, 但我認為港股可說強弩之末. 現在只等多一個壞消息作罷~
講係咁講, 本倉的恒沽捱價相當慘烈. 呢2個月做的不智選擇~看來有排受!
沒有留言:
張貼留言