大暴跌!! 恒指挫至18600點!- from yahoo blog Mar 6, 2007

可以用恐怖來形容. 恒指指數連日下跌, 今天承接上週五美股下跌120點的勢, 恒指一開市已經唔見三百點. 失手19200點支持. 指數於中午後一度大跌至18800附近反彈, 尾市半個鐘相當恐怖, 恒生指數失守18800點大關口向下直插. 收報18664點. 大跌777點.

恒指今天只可勉強力守18600點關口, 筆者預計唔到恒指居然連18800關口都一日內失守. 還記得上年度11月時份, 恒指由該位向上突破, 先破19000, 再破20000點. 上次力守的關卡, 就係18800點.

現時市況氣氛急轉變壞, 眾多散戶早前買入的五行三保已經見哂紅, 買左輪一直叫GO GO GO既散戶已經灰飛煙滅. 連本倉內的基石恒安國際(1044)今天都大跌13 %. 由高位計一計都下跌$5.5.

收市後大家期待的匯控公布業績如下: (From: 阿斯達克財經新聞組)

"截至去年底止年度業績，錄得除稅前利潤220.86億美元，較2005年增加11.2 億美元，或5 %；淨收益344.86億美元，升10%。

未扣除貸款減值及其他信貸風險準備之營業收益淨額為653.66 億美元，按年增加77.29億美元，或13%。

2006年貸款減值及其他信貸風險準備105.73 億美元，較去年增加27.72 億美元."

筆者咁睇, 基本上匯控業績符合市場預期, 以及大家記住美國財長伯南克於週二晚有講話. 匯控早前比睇淡佢業績, 基本上市場已經完全反映, 呢幾日市況大跌佢都跟住跌. 短期已經超賣. 剛公布之業績, 不過不失, 後市可能匯控單天保至尊, 殺番上去.

而伯仔講話就一致認為會為美國的垂死股市同樓市解晝. 筆者認為伯仔為及大局, 一定力撐. 如果係咁, 美市可謂守12000點見底, 當杜指回穏, 港股有望重上升線.

雖然, 現時大多股友們相信恒指會下挫至18000點, 但筆者認為不宜對恒指過份看淡, 港股由高位20750點下挫至今已有8%. 再下跌空間唔大. 加上三月為各大籃籌公布業績之期, 2006年經濟好轉, 百業興旺, 相信業績唔差得去邊. 所以該對恒指有莫大支持. 後市恒指守18300點, 上望19800附近.

三月, 風起雲湧, 倉內恒安國際大戶震倉, 股價無咁快可回升, 若見$19,會先走一注. 另外, 倉內哈動(1133), , 世城(355)走避不及, 只好呆等. 江銅大受壓, 亦只好坐艇. (1225)隆成若見50天線回升, 先會沽出.

大跌市中, 一定要保持頭腦清醒. 去留心後市去向而加以分析.