大市成交繼續走低下, 恒指收市下跌145點. 報22953點. 大市早前升勢的確過急, 中資金額股今天普遍下跌, 影響大市表現. 恒指回吐, 中移動守$90邊. 短線升勢未有變動. 而美股續造好, 預計恒指大漲小回之局不變. 恒指先守22800點, 向上找機會破23200點.
本週多項經濟數據, 料左右大市表現, 其中, 內地即將在周四（１９日）公布上半年經濟增長及通脹等收據. 市場觀望氣氛濃厚, 而此數據關鍵於國內息口上調問題, 以及宏調力度會否加大, 市場相當在意. 故國內股市於2,3日內該牛皮向下. 港股或借勢調整, 恒指若守22500點, 問題不大. 而我個人睇法, 明天有機會先反彈向23100點前進.
新股復星國際(656) 收報$10.34, 較招股價進帳12%. 有人話賺得太少, 又話冇預期般的四成升幅. 其實填一填表格就有一千蚊落袋, 點計都係賺左. 有時做人不要太貪心, 特別係股票市場. 貪勝不知輸就係咁解. 對於復星, 一人有一手, 筆者反而唔記得入紙申請, 白白無左一千大元, 其實一人一手的新股, 緃有城中富豪力追, 都無可能於短期有大量升幅. 人人都填張表格就賺一萬幾千, 香港仲有人做野?
倉內股票除衝浪平台軟件(8178) 外, 全線告跌. 其中恒安(1044) 收市後再公布其主席再次於$25.21, $25.31, 買入其股份. 無記錯恒安主席於個多月中已經六次加注, 此情況筆者冇見過. 咁有信心? 股價今天告跌. 讀者不妨緊主席入入貨. 相信勝利在望.
隻江銅(358)續回落, 筆者早2篇文章講過江銅近日升幅太急, 短線回吐機會大. 江銅$15支持位頂唔到幾耐. 而$14.6~$14.8係上一次既升勢起點, 股價於回吐至此, 可伺機入貨. 期銅回吐2天後刻快回上升道.
長盈(689)反覆, 昨日說過其股價波幅於$0.72~$0.85上落, 一日未能突破$0.85區域, 只可視作波動.
衝浪平台軟件(8178) 又再上升, 我認為雖然有料話見$1~~但相信若股價升至$0.85附近, 筆者會先沽. 始終炒股無謂咁憧憬, 賺少左好過倒蝕.
隻(910)中國林大, 比大行唱好. 股價已經突破$2~~唉.€€ 可惜.....
沒有留言:
張貼留言