恒指17873. 好淡續角力.- from yahoo blog Oct 12, 2006

恒生指數連續二日回升. 今天企稳17800點關口. 後市好淡續角力, 恒生指數暫時該冇太大大跌壓力. 17600點成支持線. 向上阻力一旦突破18000點高位, 後市會再炒上18300點這大關卡.

現時戰況有點令人無所適從. 一方面恒指已經臨近高位警戒線. 欠利好消息突破. 曾特首份施政報告又無描頭. 向上突破18000點談何易. 而向下做淡都是大風險. 人人都話十月股災, 消息令人有戒心. 散戶審慎, 有此心都不是股災的先兆. 而股市明顯有支持力. 所以買淡又沒有大信心. "唔好估頂" 呢句野不停係我腦海出現. 工行大型上市集資可能會有一小跌幅, 但始終要大跌就未夠條件. 反而, 留意美國息口消息對股市有啟發作用. 又有分析員認為美國可能會恢復加息. 呢樣隨時比淡友大反攻.

個別股票方面, 現時多隻好股都創下高位, 或累積升不少, 可買的優質股不多. 個人留意(2339)北泰, 此股下跌多時, 現時$2.75風險不高. 製造及銷售汽車零部件於中國市場潛力大. 令外, (171)銀建於$1.8都見支持. 此股又係價低. 可入.

倉內1044恆安國際今天創下新高見$18元. 之後回落至$17.74收. 恆安破頂後未能企稳, 可能高位乏人接力. 大戶近來目標該不會是恆安此類股票. 故待恆安於$17.4~$18横行整固. 對恆安都係好事.

另一方面, 富豪(78), 百利保(617), 世城(355).都見破位上升. 今天富豪, 百利保一突破阻力, 明天該會爆升. 而355世城當然會跟隨.