應跌唔跌. 大戶派貨. - from yahoo blog Jun 6, 2006

奇怪, 奇怪. 港股於杜指下挫199點之時. 日經大跌二百多點之際. 還可堅守15900點.

筆者愚見, 港股一係唔跌, 一跌恐怕連15600點都會失守. 何解? 恒指微跌. 全因大戶造市所至. 試問港股何解可於外圍市況差劣下, 油價高漲和加息陰影下可獨善其身呢? 想想後, 不覺心寒. 大戶努力派貨, 向上高位暫時確認唔到. 但有一點肯定是, 現階段如果跌市, 恒指尚可健康發展. 反之, 如果上破16000點. 將來引伸一次的下跌, 將會是一次比五月更大的調整. 到時, 又唔知多少散戶的血汗錢比股票壓倒了...

下午3:50分. 公司一女同事致電. 話說此女子早前高位$1.6元購入中人壽call. 早幾日跌市跌至$0.8元. 及後連日中人壽造好. 此輪2天由$0.8元升至$1.3元. 故致電於吾.  教我全數入市. 中人壽前景看好, 她的認call不日內返家鄉, 目標earn 100%咁話. 還後悔早前跌至$0.8沒有溝貨入市.

炒輪, 切忌溝貨. 此買輪大忌也.

看來, 一眾無知的投資者, 很快便要付出沉重的代價....

實戰倉:

恆安1044. 買入$13.95, $14.05.  現$13元.

富豪0078. 買入$0.72, 現$0.66 (反彈一定要沽出了)

0753國航: 買入$3.15 (停牌中)

3522恒沽9月到期: 買入$0.152. 現$0.145