恆指今天再來一次先挫後回升. 恆指初段一度下跌至17800點水平. 點知收市一個倒升, 我多次說明了, 恆指比人擺明托住佢, 明知佢而家超買, 明知高位. 但都跌唔落. 所以我叫大家千萬唔好估頂造淡. 今天淡友又比人殺番轉頭.
市況陰謀論 <一> 悲哀篇
恆指連續二天呈先跌後回升之勢, 大戶想話比你知既係恆指現階段勁過台炸彈, 看來隨時可看6年高位一萬八千三百多點起動. 創恒指新高. 第一天跌完回升, 大家覺得無咩野. 今天先跌180點再回升33點. 大家心裡可能有一點認同, 18000點的確可維持. 狼來了的故事告訴我們第三次的時候恒指會一落千丈. 到時死既一就係因先前二次先跌後回升既先例而追入恒指認購, 或造好倉的人. 諗諗如果恆指再度先跌百多點. 至17800點追入認購輪或造好倉. 此時, 恒指受買盤帶動下回升至18000點附近, 此時該有大量散戶見恆指市強再度掃入買貨. 大戶此刻再來一個大震倉. 把恆指推向17000 ~17600點. 想像得到血流成河的畫面嗎?
市況陰謀論 <二> -- 樂觀篇
恆指於本月１８０００點大家認為高位之時, 大家常掛"股災"於口邊, 大戶的做法是 " 要令你死亡, 必先要令你瘋狂!". 受美股破新高和石油價格向下之時, 恆指再度向上突破,至６年高位稍停再急升. 當恒指突破高位後, 人人都失掉戒心, 各大報章雜誌紛紛訂下目標20000點. 追淡既空軍全軍盡墨. 大市升至20000點前才有咀力．
市況 >>>>返回現實
以上２個例子, 大家都可能會親眼目睹, 我想講的係: 而家造好, 造淡都一樣會死亡. 而且,如果是上述第二篇發生的話, 傷亡將會比第一篇更為嚴重. 恒指突破高位時, 至向上尋頂之後所引發的大回吐就該會是真正股災．人人樂觀的情緒就是更加危險．
所以，目前先不要放鬆自己, 高風險的股票, 工具等都不要沾手．將手上的股票訂下 兩手準備. 方是上策．
沒有留言:
張貼留言