<高sir講股篇: 高sir睇股>

Topic: 高sir睇股

        有一段時間沒有寫股市, 恒指於12月終於能夠一試24000點以上的味道, 可借於24000點上遇上沉重沽壓已回軟, 12月為年結月份, 也是基金佬盡最後努力攪靚份成績表的時間, 以前講落聖誕鐘, 買匯豐(0005)的策略, 今天已經唔太岩用, 唔係話睇談匯豐後市表現, 但當今炒股, 要留意影響股價的因素實在太多了, 股市和現代人一樣, 早已沒有以前單純的心態, 隔晚美國破頂並不代表翌日恒生指數會升, 又或早上恒指上升, 並唔代表收市可以一直維持升市.

        今天炒股的心態和技巧, 完全取決於忍耐兩個字.

        什麼叫忍耐? 老行尊一直勸戒投資者, 千萬不要和股票談戀愛, 但我認為這個說法太表面, 當然, 你渣住隻仙股, 唔知頭唔知路入左100萬股, 搏佢升3成或8成沽出, 但點知一點即跌, 我當然叫人唔好諗即刻止蝕, 仲忍咩耐~ 天知道仙股公司背後攪什麼大作, 話唔定一個重組股份合一, 你連渣都冇得剩, 到時忍耐變無耐啦.~ 講來講去, 其實縱使世界在變, 電話在變, 科技在變, 人情在變之餘, 股市王道仍然沒有改變, 持有一隻好股, 忍耐到你賺取利潤為止~ 就是王道.

        簡單一點, 來一句好股唔怕坐反而會容易明白一點, 怎樣才算得上好股呢? 我睇股睇幾樣野, 一係業績, 二係行業前景, 三為負債比率, 如果要加埋決定做唔做長線, 會睇埋第四點派息比率去衡量一隻股票的分數. 這四大因素如果看得通, 基本上輸少贏多.

        業績反映公司上年度的成績表, 某程度上比你知道這間公司做緊什麼, 賺幾多錢, 利潤從什麼地方而來, 好緊要~` 唔係話睇個股票名就知佢勁果種, 但要注意一點係, 公司業績係反映過去一年公司的經營和利潤環境, 係一種過去式, 而記住, 股票的股價係反映未來的東西, 今日你見到股價比幾個月前升左一大段, 已經可能反映到公司盈利倍增呢個因素, 到派成績表果日, 其實對資深投資者和炒家, 根本係冇任何驚喜可言, 經期反而有, 怎樣解? 因為要睇住份業績邊度可以令炒家有機會出血, 從而回歸番低買高賣的道理.

        行業前景係大圍事, 唔係知線股價能夠反映, 大家都知香港工業一早已經名存實亡, 但本港仲仍然上市的工業股大有股在, 反映其實行頭只係反映長線該板塊的投資價值所在, 並不代表短線股價走勢, 但買長線股, 當然唔好買工業股, 香港的工廠用地, 有都攞去起樓, 仲攪什麼工業, 長線股價下跌, 正常丫.

        負債比率係生意上取決於成功或失敗的關鍵因素所在, 好簡單啫, 你買股如果得一注錢, 不幸跟高SIR入股後股價下跌, 就逼住要坐艇, 想翻身唯有得隻股升番先可以鬆綁, 有兩柱錢就唔同, 高SIR點你兩次, 總有一次攪掂食糊, 咁起碼都仲有兵起手, 出事起上來, 都叫做有得溝貨同東山再起, 企業經營如果冇負債, 手頭上有錢, 第一個月捱過去攪唔掂, 就可以拖到下一個月, 天知道你係第十個月既時候, 可能比李超人睇中收購你, 你鬼知? 但捱唔到去第10個月, 講咩都冇用, 故企業的現金流, 負債比率係重要一環.

        至於派息比率, 對短線投資者係冇Q用的, 講真, 匯控(0005), 恒生(0011)咁, 一年派四次息, 但息口夠唔夠食飯就大家心照啦, 你得股息收入的話, 一係你本身已有大筆現金, 其次就係你無奈坐艇果陣, 比番d安慰你. 係咁多.

        以上四種因素, 係我買一隻股票時會考慮的必然因素所在, 四大因素你攪得通, 看得明, 諗得透, 所有人都可以致富, 只係取決於忍耐的因素.

        股市升到24000點之後要抖氣好正常, 但相信唔會抖太耐, 恒指於23800點該有整固力, 後市推高見24800~25200點, 或許, 明年農曆年前, 恒指便會創出下年度高位所在, 持貨的朋友, 如果手上的股坐緊艇, 不妨等呢1-2個月, 相信大部分股票都會作出合適的反彈, 而這兩個月內, 筆者最看好一眾金飾零售股, 年尾又是一眾零售股起飛的時候, 雖說香港租金好貴, 但生意還生意, 計數上金飾店仍然賺大錢, 從一眾金股的業績可見, 自遊行的北水仍舊為本地金飾業起作用,經業績後輕量調整便是起動之時.

        港交所(0388)股價從$118回升, 升近最近$139.9接近阻力, 相信整固已完成, 再次炒作的話, 加上如恒指續造好, 後市有機一試$152水平. 可留意.

        睇睇隻華彩(1371), 自從轉主板後, 股價由$0.11一直爆上至$0.35, 呢隻股我由bb湊到佢大, 雖說我已經沽左, 但總算冇睇錯佢, 當日一直跟我作戰的讀者都賺錢而回, 2年多了, 真係甘苦與共, 有血有汗. 相信股價近排升過籠. 有機先回吐至0.26左右, 還值得入與否, 便自行諗過度過了.

        二三線股, 好孩子(1086)跌番至$4左右又可入市, 國策利好, 上落區以$3.9~$4.4為主, 風險不大, 長中短都可以, 其次東方航空(0670)如果跌穿$3, 便會進一步回跌至$2.8水平, 可到時入一注.

       

瑞信唱好港交所, 年頭先唱淡, 信大行一成, 雙目失明啦!

文: 高俊權

2013-12-03

最新投資動態!!!! 請按 –Fanpage like!! –

Facebook Fans page: http://www.facebook.com/yahookosir/

.<以上是筆者個人意見, 沒有任何建議和推介成分>

筆者博客:

香港讀者請觀看: Blogspot: http://kokokeiko.blogspot.com/

頭條網: http://blogcity.hkheadline.com/kokokei

國內朋友請觀看新浪博客: http://blog.sina.com.cn/u/1747429404

2013年度短炒組合

短炒 / 即日	買入價	沽出價		獲利	策略
中化肥(0297)	$1.65 x 40000				目標平盤走
中移動(0941)	$86.75 x 1000				目標$88~$92
港交所(0388)	$137.5 x 1000				目標$152
周大福(01929)	$12.54 x 4000				目標$15~16
		2013年沽出
好孩子(1086)	$4.03 x 10000	$4.27 x 10000		$2400	目標$4.6
農行(1288)	$3.64 x 20000	3.9 x 20000		$5200	2013年11月
東航(0670)	$2.61 x 30000	$2.88 x 30000		$8100	2013年11月
創維(0751)	$3.64 x 30000	$3.89 x 30000		$7500	2013年11月
維達(3331)	$10.02 x 6000	$10.96 x 6000		$5640	2013年10月
牧業(1117)	$2.74 x 20000	$3.24 x 20000		$10000	2013年10月
		1-11月 (2013年短炒增長)		$38840
2009短炒增長		$198615(198.6%)
2010短炒增長		$ 80400(40.2%)
2011年短炒增長		$ -4620 (-2.31%)
2012年短炒增長		$22840 (11.4%)
2013年短炒增長				$ 38840 (19.4%)	以約20萬本金計算