短線富豪3系發力. 另國航見低可取.- from yahoo blog Oct 3, 2006

投資短線, 至緊要快. 但都要睇得通透.

10月一開市, 恒指先跌後升. 大有向上發力之勢. 講完又講, 隻富豪3系越睇越想加碼. 富豪酒店(0078)一路比人唱. 今日收市升一格. $0.66元收市. 股價剛好突破10天線. 早前說過, 同系百利保(617)持有富豪(0078)之46%. 今天富豪造好, 百利保連連上升. 股價今天升4.7%至$0.33. 本人申報持有百利保. 由於已與吾之買入價相近. 暫不可以加注. 今天反而把焦點放在其母公司世紀城市(0355)上.

世城(0355)於9月份集團公布中期業績如下:

截至6月底止，中期純利1.05億元，升47%，每股盈利0.64仙，中期股息0.03仙，去年同期則沒有派息。 期內，營業額急升7倍至6760萬元。

業績不比百利保差, 而該集團申報持有百利保54.7%控股權益，而百利保則於富豪持有46.0%. 即係.. 富豪酒店好, 百利保好, 世紀都好. 而本月富豪很大機會拆REITs. 透過所得的現金流, 分分鐘連百利保加世城都攪大動作.

世城股價記得全年低位$0.07. 當時富豪酒店價大約$0.45. 世城本年度中一度上升至$0.15高位 (當日小弟$0.1有貨, $0.14放出). 由高位回吐, 於$0.08~$0.09横行整固己久. 近日富豪的消息相信會令集團3系再度上爆. 而世城(0355)價位低, 故現價可博.

本人持有百利保. 由於貼價. 目光投向世城. 於本週若股價低於$0.09. 隨時入貨. 守$0.08 cut loss. 短炒本月, 暫不設目標價. 待富豪(0078)的REITs明朗化再訂.

中線小弟留意國航(0753). 油價短期未有上升動力. 加上國內獲批加油費50%. 大大提高公司的支出比例. 國航早前跌至$2.8元發股. 股價呈$2.8元附近圓底破上. 今天收$3.52. 短線上試$3.6元. 由於摩通剛減持國航股份. 股價短線上試3.6元後料有大回吐. 如吐至$3.2元附近, 本倉會入手.

另外, 本倉內1044恆安今天突破阻力線, 收$17.38. 個人相信, 短線阻力$17.9該會於本週突破. 現時唔怕高可入手. 目標維持$19.5先.