筆者明天起外遊北海道8天. - from yahoo blog Nov 21, 2007

大家好.

近來筆者忙碌, 較少update 日誌, 大家請見諒. 而事實上, 連日來的跌市, 冇咩好講. 筆者明天出發北海道8天. 至11/28日回港..

恒生指數今日出現恐怖性單日轉向, 恒指受外圍因素影響下, 早市大跌超過1000點, 至26000點附近回升, 戲劇性出現於下午, 恒指收復1000多點失地, 反升三百多點收市. 全日波動超過1000點.

由於筆者外遊, 未能看市, 恒指今日出現轉向, 市況圓底可能已經做到, 今次認番次叻, 26000點果真完成, 但倉內捱價甚苦, 只有恒安國際(1044)一隻頂得順, 又一次經驗, 大跌市只可留有優質股份.

大市如收高, 只要睇住幾個位, 恒指如突破29800點收市, 上升動力便會回復, 反之, 一日未升穿企穩29800點, 大市向下仲有機會, 大家要小心一點.

如恒指向上突破29800點勝利, 短線目指32000點. 反之, 恒指向下底25800點至26000點有支持, 後市還不用過份看淡, 市況跌左咁多, 大戶入夠貨, 只要一個理由, 恒指可以將一切悲觀情緒帶走, 換來早前升勢.

筆者倉內持有恒安(1044), 國航(753), 國航認購證(6161, 6887), 蒙牛(2319), 中鋁認證, 中移動認購證, 港交所沽,

讀者們記住不要害怕跌市, 要學習在跌市中提高自己E.Q, 如手上持有現金, 從跌市找入市機會. 最後, 希望恒指在筆者於日本期間突破30000點, 大家賺過夠.

28日見.