恒生於成交280億下創出176點升幅, 收市17451.
大市又創新高, 逼近17500. 唔少股友開始估頂, 大多人預計恒指無力再上, 隨時大插咁話. 講真, 而家入市, 你夠膽就有錢賺, 只要唔好貪心. 大多數股友入市時積極, set下一連串目標價. 但入市後沒有訂下明確的止蝕, 及最低賣價. 大多數人只會向好方面諗. 只有賺錢先價賣掉手中的股票. 下跌時就呆等. 更甚的就是貪心.買入股票後明明賺, 點知抱住 " 一千幾百, 尤如垃圾 "的心態, 唔到賺人家一座金山唔放手, 點知倒蝕.
之所以咁發表, 就係而家呢個市, 你要賺錢唔太難, 但你要賺大錢就唔容易, 結果係, 大多散戶而家入市, 明明賺到少少唔放, 到恒指見頂回落就坐艇.
所以我唔反對呢個時候入市, 但如自問冇咁既膽量, 同知足. 就唔好入市好了.
說回恒指, 人人都話見頂, 今天又來個新高. 個個老散都話而家風險高, 我就相信大戶會再造高個市. 一來大戶做多幾百至一千點. 等散戶到時忍手唔住入市先沽. 食你錢. 二來美國經濟數據的確可以令息口憂慮舒緩. 造好外圍恒指都受惠.
而家無咩, 行過問吓一般投資1-3年的散戶 " 你會唔會入市呀?" . 佢答 " 見頂啦,仲入!" 你就可以入市. 恒指仲有得爆. 如果佢答 " 梗係買啦, 邊隻邊隻啦, 好野來 " . 你就諗定隻恒指put輪等收米.!!!!
記住: "大戶係食散戶的錢."
"通街股神, 一定死人" 係金石名言...
沒有留言:
張貼留言